العودة للتصفح
رش الفال
عبدالقادر الكتيابيو يا برَّاق سحاب الطّرْفه
وين ما تْرُش وين ما قبَّل الهبباى و وين ماقَفَّىٰ
يا هو وطنَّا
حد ما شافت العينين
عروق النيل كفَیٰ و كفَّیٰ
مَدیٰ و ممدود
مداين ما في بينها حدود أصابع نابتة في كفَّه
جناح طاووس
يراقص ريشو ضَيْ الوانه
في إلْفه
وطن غنَّى و مدَح دُوبىٰ
و تلا ورتَّل
فتح حيطانه نفاجات
ومتل السيل كسر
وسطالبيوت زفَّه
طلع للدنيا من الشُّوف
محنَّن بالطمي وساير
على الضفَّة
دهب لهَّب كنار في طور
هنا ام درمان
هنا السودان
يلاصف نوره من جُوٗده ولغاية
ميدنة حلفا
فِصِحنا رطنَّا ياهو وطنَّا
إن حرَّن شموسه علينا
واِن برَدَن
تراه وطنّا يا المبروك
أبوى وأبوك
أكان فقران وكان غنيان
ملك .
و ال من سلالته ملوك