العودة للتصفح مجزوء الرمل الخفيف الكامل الطويل
اعاين بالوجوه بكسر الامرايه
كاظم إسماعيل الكاطعاعاين بالوجوه بكسر الامرايه
ولا واضح ولا الگاه
مو مسألة شوفك صارت احچايه
واجيك امن التراب اگبور
مو عدنه الوسيله تبرر الغايه
گبل چنت اعبر النجمات
خيّال بمهر من ضوه
اجت روحي لعندي
وگالت :
ادخيلك
اجيت اليوم شچايه
اجيتك وانته جارحني
واعرف عندك ادوايه
السبب عافوني امحنّط
وبحبال المنيه الجايه امگمط
ضعت
وضاعت الصفنات
بين ادروب الاولايه
ولا اسمع ولا افرزن
ولا اعرف بعد لو ذيچ
لو هايه
انه الدگيت فوگ الغيم
بجناح المطر ثايه
واهلالك عليًّ
نز ،، دم
امن النوايب
هم ،، چن
بالروح سلاّيه
انه شسويت غير اخطبت بت عمي؟؟
واجتني الدنيا نهّايه
انه لوحدي وبقيت ايتيم
فوگ الغيم جوّه الغيم
امعلگ للحزن رايه
صرت مدري اشدهاني
النوب چني اجناح فختايه
چني اجناح
چني اجناح
واجتني الدنيا رمّايه
عله الگهوه التخت يبچي
محد
محد يشربه انهمل چايه
ولا عنده الزمان السان
بس هي اللي چانت
اللي الشچايه
اروحن للنجف يمهه محله الموت
وهي نايمه اويايه
اخدود الهلاهل طاحن بتربان
وشضلي بعد باقي ابهلرلايه ؟؟
انه چنت اسمع الطيره
تغتي ،، تنوح ،، يا ويلي
مدريت الغنه المذبوح
الگصب سچينته ونايه
جربت الحزن واعرف اسرار الطير
بس نوحه وغناه وناري جوايه
انه الياويل ،، يا ويلي
صرت ادري الگبل
عند هلي ودايه
قصائد مختارة
أيها العاتب في الخم
ابو نواس أَيُّها العاتِبُ في الخَم رِ مَتى صِرتَ سَفيها
يا علي يا ابن الخلائف والمح
سبط ابن التعاويذي يا عَلِيُّ يا اِبنَ الخَلائِفِ وَالمُح تَلَّ مِن ذُروَةِ المَعالي اليَفاعا
مدائن مصر قاطبة
إبراهيم نجم الأسود مدائن مصر قاطبة لروزا هللت طربا
العيد أشرق بهجة بسعيده
صالح مجدي بك العيد أَشرَق بَهجةً بِسَعيدِهِ والأمنُ طابَ بِمَصره لِعَبيدِهِ
نظرت إلى الدنيا فلم أر خيرها
حسن حسني الطويراني نَظرتُ إِلى الدُنيا فَلم أَرَ خيرها سِوى طالبٍ يَشقى وَخطبٍ يزيّنُ
الله رب الأربعين إذا بلغت
عبد المطلب بن هاشم اللَّهُ رَبَّ الْأَرْبَعِينَ إِذَا بَلَغَتْ أَنْجِ بَنِيَّ مِنْ قِدَاحٍ كُتِبَتْ