وين

وين ..؟؟

.

شايفك

مدري شفتك ف.. ابتسامة

ف...دمعة عين .

راسمٍ فوق الورق

مدري شفتك ف..ارتجاف ايدين والاّ

والله انّي شايفك

بسّ مدري وين .

*

.

أشرطه

دم

صدم !

كان كومة امنيات حالمه وثياب رثّه

من ورى اكوام الحديد

كان واضح في عيونه

فقره

دوّروا له عن هويّه

*

ساره

.

صبحها ملعون لاسابع ندى .

كلّ نظره من محاجرها غنى ,

في شفايفها ينام الصحو , يصحا النوم من نومه ! .

كنتي أكثر من يقول , إنّ باب الذنب مفتاح السماح ! .

كان وجهك يرتسم في كلّ شي .

ف..التفاتات البزارين الصغار , وف..النقوش اللّي على باب العماره ! .

كم تكلّمتي وانا أرقى السوالف : كلمه كلمه , حتّى أوصل للكلام اللّي ف..بالك مابعد قلتيه .

والله أدري ، مااتّسع صدري لصدري

ياجنوني

مابقابي غير عاشق علّق احلامه على شمّاعة العتمه على جدب الغمام

*

الشارع الخلفي

.

تلقى عمود النور

يا

تلقى الأوادم خايفه , بالخيل وجعانه

تلقى التعب , تلقى الزهق , تلقى المياه الطافحه

تلقى الرصيف

تلقى الحكي مثل السكوت

تلقى الزمن معجون

تلقى الجراح اكوام

تلقى السؤال اللّي كبر , واللّي غدى مخفي

*

كافتيريا السعادة

.

كان ماغيره في البوفيه جالس , كان يتصبّب عرق

وبأصابع ترتجف حيره فرك عينه

كيف أجيب لوالدي ميزان ضغط , كيف اجيب علاج سكّر

صاح به عامل غبي : هات الحساب ! .

*

.

كان ماشي عالرصيف , وكان سارح في همومه

قال : ( يالله ماعلينا )

كانت ايديه اف..جيوبه

كان في حزنه وغلبه