العودة للتصفح الطويل الهزج الطويل الكامل
سودانيات
معز بخيتسودانيات..
يا وطن الحلم الساكن في النجمات
ومساء الورد الأجمل وأحلى
على الغالين وعلى الحلوات
ونسيم العافية النضّر فينا
حنين غنوات..
يا ليل ممهور بعشا البايتات
يا ريحة الصندل والإحساس
الأخضر يانع والآهات
الساكنة صدور النفس القايم
لمن غابت لحظة وجات
سودانيات..
يا نبض العلم الرفرف في آفاقنا
ووزع لينا الضو شربات
بين ميعادنا الصاخب همسو
وبين ريحان نادي ورايات
يا أعلى منابر قامت لمّت
سقف السما واتمدت فينا
طريق وثبات
أيامك حلوة وناسك عافية
وشوقك موت وحنين ما مات
ولمن غبتي
القمر اتدسى في راس البيت
والبحر اتاوق لينا وفات
حزنان الموج والصدف استشهد
وحتى حفيف الشجر
اتحنط في الغابات
وخريف الفرحة الكان
مزروع في المطرة دعاش
نجوى وآيات
اتضارى بعيد في رمل السكة
وتاه في الشارع وفي سِكّات
يا الليل النايم وصبحك شايل في
أكتاف الضحى لحظات
«ممكونة» بحبك من سنوات
من قبل ولادتك ومن طلاتك
في دنيانا ومن طلعات
ولمن جيتي رجعتي مليتي
حياتنا مسرة وجلسة امتدت
لي جلسات
مليانة غناوي الإلفة العايشة حنانك
ساعة بتقعد بالساعات
في عيونا بترسم شوق الدنيا
عليه الريد ينساب نغمات
سودانيات..
محسوبة حياتنا وكل دروبنا
في لمحة بعدك بس خطوات
حرف السين والواو والدال
وحرف الألف النون الياء
والألف التاني،
التاء بالذات..
بتغني وتربط في الكلمات
وتضوي شموس ونهار محروس
بي وهج الطلة وضي شمعات..
سودانيات...
ما تبعدي يوم في لحظة تغيبي
عن الساحات
خلينا نعيش في وجودك دنيا
وقصة حب ونعيم وسبات
خلينا نعيش في وجودك دنيا
وقصة حب ونعيم وسبات..
سودانيات..
قصائد مختارة
ولما وردنا ماء مدين يستقي
السهروردي المقتول وَلمّا وَرَدنا ماءَ مَدينَ يَستقي عَلى ظَمأ بِتنا إِلى موقف النَجوى
فلا تنظر لما عندي
محيي الدين بن عربي فلا تنظر لما عندي فإن الأمرِ من عندك
أمرت بني البرصاء يوم حزابة
شبيب بن البرصاء أَمَرتُ بَني البَرصاءَ يَومَ حُزابَةٍ بِأَمرٍ جَميعٍ لَم تَشَتَّت مَصادِرُه
بأي ذنب قتلوا
أحلام الحسن يا جنانَ الخُلدِ هيّا استقبلي هذه اﻷطفالُ جاءت فاقبلي
لك منزل في القلب لا يتغير
المعولي العماني لك منزلٌ في القلب لا يتغيرُ وصفاءُ وُدٍّ قط لا يتكدرُ
يا زهرة ذبلت بغير أوان
مريانا مراش يا زهرة ذبلت بغير أوان ناحت عليها الورق بالأغصان