آخر زمن ..!!

يا .. آخر زمن ..

حكو ليهو بالمحن البقن ؟؟!!

كل الخلوق اتغيرت ..

ما باقي غير داك السما و هادي الأرض ـ مَدَّ المدى الـ ما اتغيرن ..

مخفية في بطن الأرِضْ

بين يوم وليلة و سيل نفوس

وهي ما بشرْ !!!

يا دنيا ياااا

مين كان بصدق لو زمان

وين الضحى ؟

وين المغيرب و قُبَّة الليل والْحُجا .. ؟

وين الحقيقة و وين أنا ـ اتبدلت و للا اتبدلت ؟

زي ال كأنها في محيط كانت جزيرة و أبحرت

يا انتي ما إنتي القبيل فتحت فيك

وين الحلم ..؟

زيَّ الهوا الشايلو الهوا ..!

كيف اختلف طَعَمَ الطَعَمْ ؟

بقى من زَبَد ..

ما فيهو حبَّة من الصِدِقْ ..

أو قول شبير !!

حتى الكُبار ....

و كأنه ما في سؤال نكير ..!!

راح الغنا وراح الشعر ..

مشهد يهد حيل الخيال ..

يا دنيا هل دنية زمان ..كانت وهم ..؟؟

آخر زمن ..

حسن الختام .. !!