لمحة من وعد الحقيقة

طول المسافات البعيدة

في لحظة تتفجر قصيدة

نور الشمس في مقلتيك

حتى النهار الصاحي بيك

والنيل سكب ليك دمعتين

موج في الضلوع

أجج طريق الشوق شموع

وإحساس رهيف

يترجى في الأيام تقيف

ما الوهلة في الحس الشفيف

مكتوب على الحاضر خريف

يا همسة الوطن العفيف

سفر الكلام الفي العيون

يتهادى في ليل الشجون

خصلات نضارك ما بتغيب

كل الزمان بيك بستريح

أحزاني جنبك صوتها راح

لي لحظة ما بتعرف نواح

كان ملتقانا الفي الخيال

وكان الهوى الزاهي وحنين

ليك يا حبيب وهج السنين

أشواقها من حسنك تبين