كلهن سولفتهن لو بعد منهن؟؟

شد عيني بعصابه

واندل وين مضمومات

مثل شايب خلص عمره

انه كلما الوذ بهالتقيه واضحك ويه الناس

شفت قصر الاماره ويم عبيد الله

الجسد عالگاع....والراس بطشت... والجامع يأذن..

من فوگ المنابر وأذني تسمعهن..

شكو نجمات دمّن باللطم خدهن..

ومن طبع الجروح التعتك تخزن..

يدفن راسه بچفوفه

ومضيّع دفاترهن..

ومن ذاك النزف

عدا چفوف الگمر عباس

عدا سوط الشمر حرّك ثنايا حسين

عدا عيون الفواطم من مشت للشام

وعين تربي لجسد والدهن..

واديه من السلاسل ظل ينّث دمهن..

ومعرسات والحنه بعدهي بطرف اصابعهن..

والگصّن گصايبهن..

چن رب السمه .... ببساط شايلهن..

گبل ايّامهن والقصف جيّبهن..

ياهو التستحي منهن؟

هدوم حسين لسه مبللات بدم