قل لبو طالب الوادي من البطل ملعوب

والفتن كيرها في غالب القطر مشبوب

والبنا ذي بغيته أصبح اليوم مخروب

دوب توعد مواعيدك مواعيد عرقوب

وان حجتك المجالس قلت سيد ومجذوب

فان ذا شور ما يصلح وذا راي مقلوب

وانت صححت راضي ليس مكره ومغصوب

قلت يا قوم بابلغ لكم كل مطلوب

والمفاتيح بيدك من عصى طاع مغلوب

قم وقابل وخل الشور بالصدق معصوب

وان بقيته مجنب عد بالسوم مقطوب

والبلى بايفتكها معايين وشعوب

ما انت سالم ولو تعمد على رأس شنطوب

في أمان السبل طربت سبعين تطروب

واصبح الملك ضايع بعد ما كان مهيوب

بعد ما كان منه كل بطال مرغوب

وان نسيته عهودك فان ذا وثر مكتوب

وان تبا الجبح بايغلب على جبحه النوب

ما انت عندي ذخيره في المهمات محسوب

ذا كلامي ورب الخلق علام الغيوب

قصائد عامه حرف ب