العودة للتصفح الطويل الكامل المتقارب الوافر البسيط مجزوء الرمل
الثار
عمر الفرّاإغلي السمنْ .... يُمّا
إغلي السمنْ .. تا يشتعلْ
واحمي حديده .. عالجمرُ
صُبي السمنْ ... جُوَّا الجُرُحْ
ما تنحملْ ..
نارْ تعلقْ .. جُوَّا الجُرُحْ
وبي الصوت ..
وانعي ... للبشر كُلهم
وليدك يا يُما ..
فارسْ .. وميت غدرْ
يُومين يُمَّا ...
والجُرُحْ مفتُوح .. حَلقْ حيَّهْ
بشهورْ قيظْ ... وشوبتْ
تلوبْ .. ينقط سُمها
تْنام الخلايقْ .. كُلها
والحيَّه يُما ... ما ضُوت
أحُط .. جويفهْ .. تبلغها
أحُطّْ عُطابه ... تِلسعا
ويجوني الناس ...
يقرو لي :
باسمْ الشافي
باسمْ الكافي
باسمْ المعُافي ..
وتنامْ الناس ... ودَمَّي
يغرقْ لحافي ...
والحيَّه يُما .. ما ضوت
احكيلكْ الحقَّ .. عليهَ اللهْ
كُنتْ سارِحْ بالغنمْ ..
عُقبَ الصبُحْ
والشمسْ .. قامتْ تنفضحْ
وعليتْ شويهْ ...
تاغدتْ ... طوُلَ الرّمح
جاني ملثمَّ ...
عصَّب خشوُمُو .. الزعلْ
وآني أهليَّ ..
منْ بدالي ... تاوصَلْ
يالله حيَّ ... الضيف
منهُو مدَّ ال يا وصلْ ...
قللي عَ روحكْ ! !
وخنجرو ... بصدري دخل
دخلْ بضلوعي لنصابهْ
سلاح القرابهَ يا يُما ...
ما اصعبْ صوابهْ !
واصيح بوَجهُو ... خبرني
على ايْ شيْ ...
جايي تذبحني ؟ !
على ميَّه ؟؟ على ناقه ؟؟
عشان بنيَّه ... عشاقهِ ؟ ! !
لا لي عِلم ! ! لالي خبرْ ! !
لا لي خصيم ... منِ البشرْ ! !
يُمَّا .... أنا تِحرمْ عليَّ ..
شُربةْ الفنجان
وقعودي بالدّيوانْ
ومقابلةْ لرجال
ويعلى عَ راسي عِقالْ
والسلنه ببيوت الشعر
إن كاد لي علم وخبر
وان كادني ... زليت
كلام الحق .. عليه الله
نسيت اخبركْ :
الختجر يقيتو .. مُو بعيدْ عنَّي
ولقيت بنصلتو .. ميلهْ
أظنو .. يعتذر مني ! !
وهسَّع ..
بخاطرك يُمَّا ....
***
وليدي ! ! ...
وليدي ! ! ...
أشوفكْ ... ساكتْ وليدي
لا ... لا ... ! !
نايمْ حبيبي .. لا تقعدُ ونو
نايم حبيبي .. لا تقعدُ ونو
نُومة حبيبي ... للضحى
ونوم العرايس ... للضحى
آني أعرفو ينام ..
وهُو ... مذبّل عيونو
خلّوه متهني الحلو
عرقان ...
عَ خديد والندي
شابو ... و .. و .. ش
لعريس ... العشيره
وعريسنا ...
اليوم ... ولدي
وين الصبايا ... يزغردنْ ؟
عرَّيسنا اليوم .. ولدي !
وين الشباب .. يهلهلو ؟
عريسنا اليوم .. ولدي !
ولويشِ الميَّ ؟ ؟ ! !
لا ....
شيلوا لمي ... يخزنَ الجُرُحْ
يعمل الجرُح .. لا تغسلونو
حبيبي .. ما يحملْ ميه
على جُرحو .. إتركونو
ولويش النعش ؟ ؟ ! !
لا .. خلوُّني معْ وليدي
إتركونو
لويشْ النعشْ ؟ ؟
وليدي ماتْ ؟ ؟ وليدي ماتْ ؟ !
نوسو الشمس .. أطفو القمر
نوّسو الشمي .. أطفو القمر
سُودَهْ ...
على كلَّ البشرْ
سُودَهْ ...
على كُلَّ العربْ
سُودَهْ ...
على كُلَّ المحاكم والكُتُبْ
سُودَهْ .. عليكم بالأرضْ
وسودَهْ ....
عليكم بالسَّما ...
وشابو ... و .. و .. ش
لكُلْ كلبْ ...
يتساوى بعدادْ البشرْ
قصائد مختارة
قليل بآداب المودة من يفي
محمود سامي البارودي قَلِيلٌ بِآدَابِ الْمَوَدَّةِ مَنْ يَفِي فَمَنْ لِي بِخِلٍّ أَصْطَفِيهِ وَأَكْتَفِي
صبر الفؤاد على فعال الجافي
الامير منجك باشا صَبر الفُؤاد عَلى فِعال الجافي نَعم الكَفيل بِكُلِ أَمرٍ كافي
وقفنا لهم من وراء الخطو
الشريف الرضي وَقَفنا لَهُم مِن وَراءِ الخُطو بِ نُطالِعُهُم مِن خَصاصاتِها
لقد سر العدو وساء سعدا
الفرزدق لَقَد سَرَّ العَدُوَّ وَساءَ سَعداً عَلى القَعقاعِ قَبرِ فَتىً هِجانِ
لا خير من بعد خمسين انقضت كملا
أبو العلاء المعري لا خَيرَ مِن بَعدِ خَمسينَ اِنقَضَت كَمَلاً في أَن تُمارِسَ أَمراضاً وَأَرعاشا
يا أبا العباس إنا
الحمدوي يا أبا العباس إنا في نعيم وسرور