العودة للتصفح الطويل الخفيف الكامل مجزوء الرمل الطويل
مره مره عشرتي وياك مره
كاظم إسماعيل الكاطعمره مره عشرتي وياك مره
ومن اريد انساك
يمنعني الكلب
ويذبله حسره
ومن اريد انساك
يعرضلي الدرب
ويكلي الك خطوات
ذكرى
ومن اريد انساك
تذكرني الملامه
وشنهي ربحي وياك
واللي مادروا كالو
تخسره
انه شنهي الماخسرته وحتى اخسره
ويانهر يعتب عليه
حتى بجناح الكصب روجات اعبره
وياجبل يصعب عليك حتى اذب حبال روحي
اكصايب اعلى جتاف صخره
وياعظم تتصوره التم
حتى يم بابك عشر كسرات
اكسره
مره .. مره
والمراره اتزيد لليمشي ابجزيره
وما لكه وسادة محبه اتريح
ظهره
والمراره اتزيد للما يلكه ظل
وينتجي اعله الشيب عمره
ويا جمرتي الماطفت
حسبت يطفيها دمعي
ثاري دمعاتي اعله خد النار شذره
انته من دكيت بابي
جبت وياك الحزن خطار ماين
والفرح طلعته بره
انه من شكيت زيجي احتركت ايدي
وانته من شكيت زيجك شفنه كمره
كان عمري نهر صافي
ومايه غافي
وخنجرك مثل البلم بالليل طره
ويانهر والحسره حسره
كون اشوفن سندبادك
شايل اعله اجتافه جزره
بكلبي حسره
كون اذب ثوب الحزن وانه بشبابي
والحزن عالخد اسطره
هيه حسره وامنيه نسميها فكره
كون اشوفن سندبادك
شايل اعله كتافه جزره
كون اشوفن مريمك ما بيها لوله
ومن صدك نلكاها عذره
هيه حسره .. وعشره مره
والمراره اتزيد للما يلكه في
وينتجي اعله الشيب عمره
قصائد مختارة
ألا عج إلى دار السرور وسلم
ابن المعتز أَلا عُج إِلى دارِ السُرورِ وَسَلِّمِ وَقُل أَينَ لَذّاتي وَأَينَ تَكَلُّمي
لا تكن ممسكا حباب رجاء
شهاب الدين الخفاجي لا تكُن مُمْسِكاً حَبابَ رَجاءٍ فالأمانِي بَضَائِعُ الْحَمْقَى
العيد أشرق بهجة بسعيده
صالح مجدي بك العيد أَشرَق بَهجةً بِسَعيدِهِ والأمنُ طابَ بِمَصره لِعَبيدِهِ
أيها العاتب في الخم
ابو نواس أَيُّها العاتِبُ في الخَم رِ مَتى صِرتَ سَفيها
مرثية محمد قاسم العنسي
عبد الكريم الشويطر بَكَتِ الجُموع وأنّتِ الأرجاءُ وكسا المدائن مأتمٌ وعزاْءُ
لعمرك ما أغرى عن الخير كله
حسن حسني الطويراني لعمرك ما أَغرى عن الخَير كُلِّه سِوى الوَعد وَالإيعاد من غَير رؤيةِ